اقتوبە وبلىسىندا قاتتى داۋىل سوعىپ، ونداعان ۇيگە زاقىم كەلتىرگەنى بەلگىلى بولدى، دەپ حابارلايدى “ادىرنا” ۇلتتىق پورتالى “موي گورود” باسىلىمىنا سىلتەپ.
وقيعا 9 تامىز كۇنى ويىل اۋدانىنىڭ كوسەمباي اۋىلىندا بولعان. قاتتى جەل ەلەكتر جەلىلەرىنىڭ تىرەكتەرىن، قورشاۋلاردى قۇلاتىپ، ۇيلەر مەن عيماراتتاردىڭ شاتىرىن ۇشىرعان.
«اۋىلدىڭ استاڭ-كەستەڭى شىقتى دەپ ايتۋعا بولادى. سيىرلار وكىرىپ، قويلار باقىرىپ... مال دالاعا قاشتى. باعانالار قۇلاپ، اۋىلدى قويۋ قاراڭعىلىق باستى. ەڭ باستىسى، ادامدار ءتىرى. جەل باسىلعاننان كەيىن جۇرت كوشەگە شىعىپ، قۇلاعان شاتىرلاردىڭ استىندا قالعان مالدى شىعارىپ الدى»، - دەيدى تۇرعىندار.
اقتوبە وبلىسى اكىمدىگى قايىڭدى اۋىلدىق وكرۋگىنىڭ كوسەمباي اۋىلىنداعى قاتتى جەلدىڭ سالدارىنان 51 عيماراتتىڭ، ونىڭ ىشىندە 35 ءۇيدىڭ شاتىرى زاقىمدانعانىن حابارلادى.
