ستامبۇلدا قازاقستاندىق «پوچتي ماچو» كومەدياسىنىڭ جابىق كورسەتىلىمى ءوتتى. اتالمىش فيلم تۇركيانىڭ 80-نەن اسا كينوتەاترىندا كورسەتىلمەك، دەپ حابارلايدى "ادىرنا" ۇلتتىق پورتالى Qazaqstan.tv-عا سىلتەپ.
قازاق كينولارىنان تۇرىك تىلىنە تەك تاريحي فيلمدەر اۋدارىلىپ وتىرعان. "پوچتي ماچو" ءفيلمىنىڭ تۇرىك تىلىنە اۋدارىلعان نۇسقاسى تۇرىك جاستارىنىڭ قىزىعۋشىلىعىن وياتپاق.
"نەعۇرلىم باسقا مادەنيەتتى جانە كينوسىن تانىساق سوعۇرلىم ءبىر قادام الدىدا جۇرەمىز دەپ ويلامىن. ءبىز تەك قانا تۇركيا نارىعىنا ەمەس بۇكىل الەمگە قازاق كينوسىن تانىتامىز دەگەن جوسپارىمىز بار. جاقىندا قازاقستان امەريكا سوپرودۋكتسيا فيلمگە دايىندىق ءجۇرىپ جاتىر. ول جەردە گولليۆۋدتىڭ تانىمال اكتەرلارى جانە انگليانىڭ، تۇركيانىڭ تانىمال اكتەرلارى وينايدى", - دەيدى ناديرا احونوۆا، ءفيلمنىڭ تۇركياداعى پروديۋسەرى.
