ايەلدەر اراسىنداعى جەكەلەي سىندا قازاقستاننىڭ ءبىرىنشى راكەتكاسى لەگيونەر ەلەنا رىباكينا 2024 جىلعى وليمپياداعا شىعۋدان باس تارتقاننان كەيىن جاتتىعۋعا ورالدى، دەپ حابارلايدى “ادىرنا” ۇلتتىق پورتالى.
ەلەنا رىباكينا تسينتسينناتيدە (وگايو شتاتى، اقش) WTA 1000 ءتۋرنيرى باستالار الدىندا تەننيستىك كورتتا دايىندىق جاتتىعۋلارىن وتكىزدى. دايىندىق جۇرگىزىپ جاتقان جارىسى 13 تامىزدا باستالادى.
تۋرنير ۇيىمداستىرۋشىلارى الەۋمەتتىك جەلىدە اتاپ وتكەندەي، رىباكينا چەمپيوندىق بەلبەۋ ءۇشىن جەكپە-جەككە قاتىسادى. ەگەر لەگيونەر شىن مانىندە جارىسقا قاتىساتىن بولسا، بۇل ونىڭ 2024 جىلعى وليمپيادادان باس تارتقاننان كەيىنگى العاشقى جارىسى بولماق.
ەستەرىڭىزگە سالا كەتەيىك، پاريجدەگى ويىنداردىڭ اشىلۋ سالتاناتىنا ءبىر كۇن قالعاندا لەگيونەر رىباكينا قاتىسۋشىلار تىزىمىنەن شىعارىلعان بولاتىن. ول دەنساۋلىعىنا بايلانىستى كورتقا شىعا المايتىنىن ايتىپ، قازاقستاندىقتاردان كەشىرىم سۇراعان ەدى. سونداي-اق، ەكىنشى لەگيونەر يۋليا پۋتينتسەۆا دا وليمپيادا ويىندارىنا قاتىسۋدان باس تارتقان بولاتىن.
