پاريج وليمپياداسىندا گرەك-ريم كۇرەسىنەن ەل قورجىنىن كۇمىس مەدالمەن تولىقتىرعان دەمەۋ جادىراەۆ ەلگە ورالدى، دەپ حابارلايدى “ادىرنا” ۇلتتىق پورتالى.
دەمەۋ جادىراەۆتى الماتى اۋەجايىندا الماتى وبلىسى اكىمدىگى، جاقىندارى مەن جانكۇيەرلەرى، جۋرناليستەر، قورعانىس مينيسترلىگىنە قاراستى ورتالىق سپورت كلۋبىنىڭ وكىلدەرى ءسان-سالتاناتپەن قارسى الدى.
"بارلىعىڭىزدى قۇتتىقتايمىن! اللا الدارىڭىزدان جارىلقاسىن! مەنى قولداپ جاتقان ادامدارعا العىس ايتامىن! بۇل جەڭىسكە سىزدەردىڭ ارقالارىڭىزدا جەتتىم. بارلىعىڭىزعا راحمەت! ەندى 2028 جىلعى وليمپياداعا دايىندالامىز. ەشتەڭە كەدەرگى بولماۋى كەرەك", - دەدى سپورتشى.
ەسكە سالا كەتەيىك، دەمەۋ جادىراەۆ پاريجدەگى وليمپيادا ويىندارىنىڭ فينالىندا ۇتىلىپ، كۇمىس جۇلدەگەر اتاندى. 77 كەلى سالماقتا سىنعا تۇسكەن بالۋانىمىز فينالدا جاپوندىق بالۋان ناو كۋساكامەن ەسە جىبەردى.
