قازاقستاندىقتاردىڭ 2024 جىلدىڭ II توقسانىنداعى ورتاشا جالاقى مولشەرى بەلگىلى بولدى، دەپ حابارلايدى “ادىرنا” ۇلتتىق پورتالى.
قازاقستان بويىنشا 2024 جىلدىڭ II توقسانىندا اتاۋلى ورتاشا جالاقى مولشەرى 403 251 تەڭگەنى قۇرادى. ۇلتتىق ستاتيستيكا بيۋروسىنىڭ مالىمەتىنشە، بۇل كورسەتكىش 2023 جىلدىڭ ءتيىستى توقسانىمەن سالىستىرعاندا 10,3% وسكەن.
“2023 جىلعى ءتيىستى توقسانمەن سالىستىرعاندا ورتاشا ايلىق جالاقىنىڭ ەڭ جوعارعى ءوسىمى قارجى جانە ساقتاندىرۋ قىزمەتى – 23,3%، ونەر، ويىن-ساۋىق جانە دەمالىس – 21,5% جىلجىمايتىن مۇلىكپەن وپەراتسيالار – 21,1% سالالارىندا بايقالدى. ءبىلىم بەرۋدە ورتاشا ايلىق جالاقى 7,2%-عا، دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە 5,6%-عا ءوستى”، – دەلىنگەن ۇلتتىق ستاتيستيكا بيۋروسىنىڭ حابارلاماسىندا.
