تۇركىمەنستان پرەزيدەنتى سەردار بەردىمۇحامەدوۆ استاناعا كەلدى، دەپ حابارلايدى "ادىرنا" ۇلتتىق پورتالى قر پرەمەر-ءمينيسترىنىڭ ءباسپاسوز قىزمەتىنە سىلتەپ.
«استاناعا تۇركىمەنستان پرەزيدەنتى سەردار بەردىمۇحامەدوۆ كەلدى. تۇركىمەنستان پرەزيدەنتى سەردار بەردىمۇحامەدوۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسادى. تۇركىمەنستان باسشىسىن قازاقستاننىڭ پرەمەر-ءمينيسترى ولجاس بەكتەنوۆ قارسى الدى»، - دەلىنگەن جۇما كۇنى تاراعان حابارلامادا.
قازاقستان مەن تۇركىمەنستان ءوزارا ءىس-قيمىلدىڭ بارلىق سپەكترى بويىنشا ساۋدا-ەكونوميكالىق ىنتىماقتاستىقتى بىرتىندەپ كەڭەيتىپ كەلە جاتقانى اتاپ ءوتىلدى.
«بۇگىنگى تاڭدا ىنتىماقتاستىقتى ارتتىرۋدىڭ پەرسپەكتيۆالى باعىتتارى – گاز جانە ترانزيتتىك-كولىك سالالارى. وندا اۆتوجولداردى رەكونسترۋكتسيالاۋ جانە سالۋ بويىنشا بىرقاتار ءىرى جوبالار ىسكە اسىرىلۋدا. ونىڭ ىشىندە ۇزىندىعى 225 شاقىرىم بولاتىن «قازاقستان شەكاراسى – گارابوگاز – تۇرىكمەنباشى» جاڭا اۆتوجولىنىڭ جانە گارابوگازگول شىعاناعى ارقىلى وتەتىن جاڭا كوپىردىڭ قۇرىلىسى بار. ۇزىندىعى 165 شاقىرىم «جاڭاوزەن – تۇركىمەنستان شەكاراسى» اۆتوجول ۋچاسكەسىن رەكونسترۋكتسيالاۋ جوباسى پىسىقتالۋدا»، - دەلىنگەن حابارلامادا.
