پاريجدەگى جازعى ويىندار وليمپياداسى مارەسىنە جاقىنداپ قالدى. ەلدەن بارعان سپورتشىلاردىڭ وسى جولعى جانە الدىڭعى وليمپياداداعى جەتىستىگى مەن جەڭىسى قانداي بولعان ەدى؟
ەندى بىرەر كۇندە وليمپيادا دا اياقتالماق. جانكۇيەرىن ءبىر كۇيىنتىپ، ءبىر سۇيىنتكەن قازاقستان سپورتشىلارىنىڭ بەتالىسى كوماندالىق تۇرعىدان العاندا اسا ماقتايتىنداي ەمەس.
پاريج پەشەنەسى
ءتورت جىلدا ءبىر وتەتىن وليمپيادا بايگە دزيۋدوشى ەلدوس سمەتوۆتىڭ التىنعا قول جەتكىزۋىمەن، عۇسمان قىرعىزباەۆتىڭ - قولا، نىسانا كوزدەۋدەن يسلام ساتپاەۆ پەن الەكساندرا لە ەكەۋى قولا مەدال ەنشىلەۋىمەن باستالعانى اۋەلدە قۋانتقان.
ايەلدەر قۇراماسىنان بوكسشى نازىم قىزايباي 50 كەلى سالماقتا الەم چەمپيونى، ازيا ويىندارى جەڭىمپازى ۆۋ يۋدەن دەسى باسىم بولا الماعاننان جانە شالت قيمىل جەتىسپەگەننەن قولانى القا قىلسا، وتانداسىمىز نۇربەك ورالباي العاشقى وليمپياداسىندا-اق اقتىق كەزەڭگە دەيىن ءوتىپ، ۋكراينالىق الەكساندر حيجنياكقا تىم-تىم اڭعارىمپازدىعىنان ءارى قارسىلاسى لىپىلىنان كۇمىس يەگەرى اتاندى.
گرەك-ريم كۇرەسىنەن دەمەۋ جادىراەۆتىڭ كۇمىس مەدال يەلەندى. شەشۋشى باسەكەدە 77 كەلى سالماق دارەجەسىندە قازاقستاندىق پالۋان جاپونيالىق ناو كۋساكادان ۇپاي جاعىنان العا وزعانمەن، سوڭىنا قاراي اككى باسەكەلەس تاسىلقويلىعى مەن قورعانىسى ارقاسىندا ۇتىس سونىكى ەكەنىن ايقىن بىلدىرگەندەي.
الدىڭعى وليمپيادا ويىندارىندا قالاي بولدى؟
2016 جىلى ريو-دە-جانەيرودا 69 كەلى سالماقتا دانيار ەلەۋسىن ەسىمدى ازامات قورجىنىمىزعا التىن مەدال قوسقانى بار-دى. تاعى ءبىر سپورتشىمىز ادىلبەك نيازىمبەتوۆ 81 كەلى سالماقتا كۋبالىق حۋليو سەسارۋ لا كرۋسقا 0:3 ەسەبىمەن ەسە جىبەرىپ، 2011 جانە 2013-جىلدارداعى الەم چەمپيوناتى فينالىنان بەرگى ءۇشىنشى كەزدەسۋى كۇمىس جۇلدە ۇتۋىمەن اياقتالدى. كۇرەس بارىسىندا حۋليو تىپتەن جەرگە سۇلاپ تا ءتۇستى، ايتكەنمەن تورەشىلەر بۇنى نوكداۋن دەپ ەسەپتەمەدى. ادىلبەك قانشا كەرەمەتتەي ءادىس قولدانعانمەن، 1 ۇپاي اڭسارى اۋعان جەڭىستەن ايىرىپ تۇردى-اق.
2020-شى جىلعى وليمپيادا قازاقستان ۇلتتىق قۇراماسى ءۇشىن اسا ونىكتى بولدى دەپ ايتا قويماسپىز. بوكستان دا، وڭگە سپورت تۇرلەرىنەن دە سول ۋاقتا بۇيىرىپ تۇرعانى قولا مەدال ەدى.
ماسەلەن، قامشىبەك قوڭقاباەۆ دەيتىن بوكسشىمىز 91 كەلى سالماقتا امەريكالىق ريچارد توررەزبەن بىلعارى قولعاپ ءتۇيىستىرىپ، ەكىنشى راۋندتا قازىلار سپورتشىمىزدى بىرەر ۇپايدان ايىرىپ، سوڭىنا تامان نوكداۋنعا كەتكەنى بار-دى. ۇشىنشى راۋندتا قامشىبەك تىم اۋىر سوققى الۋى سالدارىنان جەكپە-جەكتى توقتاتىپ، اقتىق كەزەڭگە وتپەي قالادى.
ساكەن بيبوسىنوۆقا كەلسەك، 52 كەلى سالماقتا ونەر كورسەتكەن بوكسشىمىز بريتانيالىق گالال يافايدان جەڭىلىپ، فينالعا شىعا الماپ ەدى. العاشقى راۋندتا ساكەن قارسىلاس سوققىسىن اڭداپ ۇلگەرمەي، نوكاۋتقا كەتە جازدادى-اق. سودان با ەكەن، وتىرعان تورەشىلەر ءوز داۋىسىن گالالعا بەرگەنى. ەكىنشى راۋندتا سپورتشىمىز بوي-ويىن جيىپ، 3:2 ەسەبىمەن ءبارىن قالىپقا كەلتىرگەنمەن، سوعان قاراماستان ۇشىنشىسىندە قازىلار بريتانيالىق بوكسشىنى جەڭىمپاز دەپ تانيدى.
بيىدعى پاريجدەگى وليمپيادا ويىندارى جانكۇيەر بىتكەننىڭ جان-جۇرەگىن دىرىلدەتىپ تە اتقاقتاتىپ جاتقانى راس-اق. ايگى كاسىبي بوكسشى مۇحاممەد ءالي ايتقانداي «چەمپيون سپورت زالىنان ءونىپ شىقپايدى. چەمپيوندى ىشكى دۇنيەنىڭ تەرەڭ قاتپارىنداعى تىلەك، ارمان، كوزقاراس تۋىنداتادى».
ارۋجان اعىباەۆا
ءال-فارابي اتىنداعى قازۇۋ
جۋرناليستيكا فاكۋلتەتى
4 كۋرس ستۋدەنتى
