تۇركىستان وبلىسى تولەبي اۋدانىندا سەلفي جاسايمىن دەپ، سۋعا باتىپ كەتكەن 16 جاستاعى قىزدىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى تۇركىستان وبلىستىق توتەنشە جاعدايلار دەپارتامەنتىنە سىلتەپ.
وقيعا 28 شىلدەدە بولعان. قاسقاسۋ اۋىلىنان 15 شاقىرىم جەردەگى "سايرام-وگەم" اۋماعىنا سايرام-سۋ تاۋ وزەنىنە 16 جاستاعى قىز اعىپ كەتكەن تۋرالى اقپارات قۇتقارۋشىلارعا تۇسكەن. ول سەلفي جاساماق بولعان.
ىزدەستىرۋ-قۇتقارۋ جۇمىستارىنا تۇركىستان وبلىسى توتەنشە جاعدايلار دەپارتامەنتىنىڭ 37 قىزمەتكەرى، 1 ءجۇزۋ قۇرالى جانە 4 بىرلىك تەحنيكاسى، تۇركىستان وبلىسى پوليتسيا دەپارتامەنتىنىڭ 6 قىزمەتكەرى جانە 3 بىرلىك تەحنيكاسى، جەرگىلىكتى اتقارۋشى ورگانداردان 11 قىزمەتكەر جۇمىلدىرىلعان.
مارقۇمنىڭ ءمايىتى ءۇشىنشى كۇنى 31 شىلدەدە تابىلدى.
“تولە بي اۋدانىنىڭ اۋماعىندا ىزدەۋ جۇمىستارى تاڭعى ساعات التىدان باستالدى. قىزدىڭ ءمايىتى 16:10-دا تابىلدى. قۇتقارۋشىلار الىپ شىعىپ، پوليتسياعا تاپسىردى”، - دەيدى تجد.
