Túrkistan oblysy Tólebı aýdanynda selfı jasaımyn dep, sýǵa batyp ketken 16 jastaǵy qyzdyń máıiti tabyldy, dep habarlaıdy “Adyrna” ulttyq portaly Túrkistan oblystyq tótenshe jaǵdaılar departamentine siltep.
Oqıǵa 28 shildede bolǵan. Qasqasý aýylynan 15 shaqyrym jerdegi "Saıram-Ógem" aýmaǵyna Saıram-sý taý ózenine 16 jastaǵy qyz aǵyp ketken týraly aqparat qutqarýshylarǵa túsken. Ol selfı jasamaq bolǵan.
Izdestirý-qutqarý jumystaryna Túrkistan oblysy tótenshe jaǵdaılar departamentiniń 37 qyzmetkeri, 1 júzý quraly jáne 4 birlik tehnıkasy, Túrkistan oblysy polıııa departamentiniń 6 qyzmetkeri jáne 3 birlik tehnıkasy, jergilikti atqarýshy organdardan 11 qyzmetker jumyldyrylǵan.
Marqumnyń máıiti úshinshi kúni 31 shildede tabyldy.
“Tóle bı aýdanynyń aýmaǵynda izdeý jumystary tańǵy saǵat altydan bastaldy. Qyzdyń máıiti 16:10-da tabyldy. Qutqarýshylar alyp shyǵyp, polıııaǵa tapsyrdy”, - deıdi TJD.
