قاراعاندى وبلىسىنىڭ تۇرعىندارى رەسپۋبليكالىق "تازا قازاقستان" ەكولوگيالىق اكتسياسى اياسىندا 110 مىڭنان استام پلاستيكالىق بوتەلكەلەردى بالمۇزداققا ايىرباستادى. اكتسيا حالىقتى ءتارتىپ ورناتۋعا جانە قورشاعان ورتانىڭ تازالىعىنا قامقورلىق جاساۋعا تارتۋعا باعىتتالعان.
كەم دەگەندە بەس پلاستيكالىق بوتەلكە اكەلگەن ءاربىر ادامعا قاتىسۋعا ىنتالاندىرۋ رەتىندە بالمۇزداق بەرىلدى. تازالىق ءۇشىن كۇرەستە بالالار مەن جاستار ەرەكشە بەلسەندىلىك تانىتتى. قابىلداۋ پۋنكتتەرىنە وتباسىلار دا كەلدى.
قاراعاندىلىقتار مايقۇدىق ساياباعىندا بالمۇزداققا بەس پلاستيك نەمەسە شىنى بوتەلكە اۋىستىردى. 50 مىڭ بوتەلكە جينالىپ، 10 مىڭ بالمۇزداق الدى.
بۇل شاراعا كوبىنە بالالار مەن جاستار بەلسەندىلىك تانىتتى. سونىڭ ارقاسىندا مايقۇدىق تازارىپ قالدى.
اكتسيا وبلىس ورتالىعىنىڭ باسقا دا نۇكتەلەرىندە جالعاسادى.
تەمىرتاۋ تۇرعىندارى 45 مىڭ بوتەلكە جيناپ، 4500 پورتسيا بالمۇزداق تاراتتى.
– قالا تۇرعىندارى بەلسەندى قاتىستى. الداعى ۋاقىتتا وسىنداي اكتسيالاردى تۇراقتى نەگىزدە وتكىزۋدى جوسپارلاپ وتىرمىز، – دەيدى تەمىرتاۋ قالاسى اكىمىنىڭ ورىنباسارى سامات زياشەۆ.
اكتسياعا قاتىسۋشىلار 10 بوتەلكەنى بالمۇزداق الاتىن تالوندارعا اۋىستىردى. ۇيىمداستىرۋشىلار كونتەينەردىڭ سانىن ساناپ قانا قويماي، ونىڭ تۇتاستىعىن تەكسەردى.
شاحتينسك تۇرعىندارى 12 500 بوتەلكە تاپسىردى.
– ءبىزدىڭ تۇرعىندار اكتسياعا بەلسەندى قاتىسۋدا. ەڭ كوپ بوتەلكەلەردى بالالار مەن ورتا جاستاعى ادامدار تاپسىردى. ادامدار وتباسىلارمەن كەلدى، قالا بويىنشا جينالعان بوتەلكەلەر جيناپ بالالار، ەرىكتىلەر قاتىستى. بىرنەشە ساعات ىشىندە قالا تازارىپ قالدى، – دەدى شاحتينسك ىشكى ساياسات بولىمىندە.
قارقارالىلىقتار 4500 بوتەلكە جينادى. ساران، اقتوعاي جانە اباي اۋداندارىنىڭ تۇرعىندارى تازالىق ەستافەتاسىن قولدادى. ولار سايكەسىنشە 2400, 3000 جانە 2000 بوتەلكە جينادى.
اكتسيانىڭ باستاپقى كەزەڭىندە بۇقار جىراۋ، نۇرا جانە شەت اۋداندارىنىڭ تۇرعىندارى 2500-گە جۋىق بوتەلكە جينادى.
پلاستماسسا، شىنى جيناۋ ارقىلى وبلىس تۇرعىندارى قالدىقتاردى قايتا وڭدەۋگە جانە ايماقتى تازا ۇستاۋعا ۇلەس قوسادى. ەڭ باستىسى، بالالارعا ەكولوگيالىق مادەنيەت داعدىلارى ۇيرەتىلەدى. قوقىس جيناۋ وبلىستىڭ جاس تۇرعىندارى ءۇشىن بۇرىن-سوڭدى وسىنشا جاعىمدى جانە قىزىقتى ءىس-شارا بولعان ەمەس، ويتكەنى ولاردىڭ ارقايسىسى بالمۇزداق الدى.
