شىمكەنتتە ەر ادام ماساڭ كۇيدە مەشىتكە بارىپ، تەلەفون ۇرلاعانى انىقتالدى، دەپ حابارلايدى "ادىرنا" ۇلتتىق پورتالى.
ونىڭ ارەكەتى بەينەباقىلاۋ كامەراسىنا تۇسكەن. كۇدىككە ىلىنگەن ەر ادام قالاداعى مەشىتتىڭ بىرىندە ەكى بىردەي ازاماتتىڭ ۇيالى تەلەفونىن ۇرلاپتى.
ودان بولەك، كىشكەنتاي بالانىڭ قولىنداعى گادجەتىن دە الداۋ ارقىلى قولدى ەتكەن. بۇل تۋرالى قالالىق پد مالىمدەدى.
"پوليتسيا ونى ماس كۇيىندە كەزەكتى رەت ۇرلىق جاساعان كەزدە ۇستادى. ءتارتىپ ساقشىلارى تەلەفونداردى زاڭدى يەلەرىنە قايتاردى", - دەدى شىمكەنت قالالىق پد ءباسپاسوز حاتشىسى باعلان يساتاەۆا.
قازىر ۇستالعان ەر ادامعا قاتىستى تەرگەۋ جۇرگىزىلىپ جاتىر.
