پاۆلودار وبلىسىندا 12 جاستاعى مەكتەپ وقۋشىسى بوساندى، دەپ حابارلايدى "ادىرنا" ۇلتتىق پورتالى.
جاعا ۇستاتارلىق جاعداي پاۆلودار وبلىسىنىڭ اۋىلىندا بولعان. قىز بالا پەريناتالدىق ورتالىقتا بوسانعان.
پاۆلودار وبلىسى ءبىلىم باسقارماسى مالىمەتىنشە، 12 جاستاعى وقۋشى قىز بالانى دۇنيەگە اكەلگەن. كەلەسى ايدا ءسابيدىڭ اناسى 13 جاسقا تولادى. ءبىلىم باسقارماسى كامەلەتكە تولماعانداردىڭ جۇكتىلىگىن مۇعالىمدەر ءبىرىنشى بولىپ بايقاعانىن ايتادى.
"مەكتەپ ديرەكتورى ارىز جازىپ، ءوز ەركىمەن جۇمىستان كەتتى، اۋداندىق ءبىلىم ءبولىمىنىڭ باسشىسىنا قاتاڭ سوگىس جاريالاندى", - دەپ ءتۇسىندىردى پاۆلودار وبلىسىنىڭ ءبىلىم باسقارماسى.
مەكتەپ وقۋشىسى زورلانعان سوڭ جۇكتى بولىپ قالعان. بالالار ومبۋدسمەنى بۇل جاعدايعا قاتىستى پىكىر ءبىلدىردى.
"قىلمىستىق ءىس وندىرىستە. قازىرگى ۋاقىتتا سوت-پسيحياتريالىق ساراپتاما جۇرگىزىلىپ جاتىر", - دەدى زاكيەۆا.
جاڭا تۋعان نارەستە قازىر اناسىنىڭ جانىندا ەكەنى انىقتالدى.
