دەنساۋلىق ساقتاۋ ءمينيسترى اۋىل دارىگەرلەرىن ۇستاپ قالۋدىڭ جولىن ايتتى، دەپ حابارلايدى "ادىرنا" ۇلتتىق پورتالى.
اقمارال ءالنازاروۆا ءوڭىر اكىمدەرىن ايماقتاعى اق حالاتتىلاردى ۇستاپ قالۋ ماقساتىندا كوبىرەك اقشا بولۋگە شاقىردى.
«ءوڭىر اكىمدىكتەرىنەن جاس مامانداردىڭ جەتۋىنە مونيتورينگ جۇرگىزىپ، جۇمىس جاعدايلارىنا قانشالىقتى قاناعاتتاناتىندارىنا تالداۋ جۇرگىزۋدى سۇرايمىز. سونداي-اق، اۋىلدا كادرلاردى ۇستاپ قالۋ ءۇشىن جەرگىلىكتى بيۋدجەت ەسەبىنەن الەۋمەتتىك قولداۋ شارالارىن كۇشەيتۋدى سۇرايمىز» - دەدى ۆەدومستۆو باسشىسى.
مينيستر مالىمەتىنشە، اۋىلدارعا قوسىمشا 1100 مامان كەرەك.
«اۋىلدا دەنساۋلىق ساقتاۋدى جاڭعىرتۋ» پيلوتتىق ۇلتتىق جوباسىنىڭ اياسىندا دەنساۋلىق ساقتاۋ نىساندارىنا قوسىمشا 1100 مەديتسينا قىزمەتكەرى قاجەت ەكەنى ايقىندالعان. 2023 - 2024 جىلدارى 152 نىساندا 656 مەديتسينا قىزمەتكەرى (375 دارىگەر، 281 ورتا مەديتسينا قىزمەتكەرى) جۇمىسقا ورنالاستىرىلدى»، - دەدى مينيستر.
