پاۆلودار وبلىسىندا كامەلەتكە تولماعان جەتكىنشەكتى زورلاعان ەر ادام 17 جىلعا سوتتالدى، دەپ حابارلايدى “ادىرنا” ۇلتتىق پورتالى.
«قىلمىس اسا اۋىر قىلمىس ساناتىنا جاتقىزىلادى جانە تەك 15 جىلدان 17 جىلعا دەيىن باس بوستاندىعىنان ايىرۋ جازاسىن عانا قامتيدى. ەكى اسا اۋىر قىلمىستىڭ جاسالعانىن ەسكەرە وتىرىپ، سوت اقىرى 17 جىل مەرزىمگە باس بوستاندىعىنان ايىرۋ جازاسىن تاعايىندادى»، - دەپ حابارلادى سەنبىدە پاۆلودار وبلىسى تجد.
قىلمىستىق ءىس كامەلەتكە تولماعان جابىرلەنۋشىگە قاتىستى زورلاۋ جانە جىنىستىق سيپاتتاعى زورلىق-زومبىلىق فاكتىلەرى بويىنشا (قك-ءنىڭ 120-بابى 3-1-بولىگىنىڭ 1-تارماعى) جانە 121-بابىنىڭ 3-1-بولىگىنىڭ 1-تارماعى) قارالدى. ءىستىڭ ءمان-جايىن زاڭمەن جاريا ەتۋ مۇمكىن بولماعاندىقتان، ءىس جابىق سوت وتىرىسىندا قارالدى.
ەر ادام ءوز كىناسىن مويىندامادى. ول جابىرلەنۋشىمەن جىنىستىق قاتىناس كەلىسىم بويىنشا بولعانىن العا تارتتى.
ول ءوزىنىڭ ارەكەتىن جەڭىلدەتىپ، ونشا اۋىر ەمەس باپقا – قك-ءنىڭ 122-بابىنىڭ 1-بولىگىنە – 16 جاسقا تولماعان اداممەن جىنىستىق قاتىناسقا تۇسۋگە جاتقىزۋدى سۇرادى.
