ءۇندىستاندا 25 جاستاعى مەدبيكە قازاقستاندىق ناۋقاسقا زورلىق ارەكەتىن جاسادى دەپ كۇدىككە ىلىنگەن. 50 جاستاعى قازاقستاندىق ايەل تىزە بۋىنىنىڭ ارتروسكوپياسىنا وتا جاساتقان، دەپ حابارلايدى "ادىرنا" ۇلتتىق پورتالى The Times of India-عا سىلتەپ.
ايەل ۇندىستانعا جۇما كۇنى قىزىمەن بارعان. ول اۋرۋىنا بايلانىستى جەكسەنبى كۇنى وت جاساتىپ، جەرگىلىكتى اۋرۋحاناعا جاتقان. ناۋقاستى قالپىنا كەلتىرۋ بولمەسىنە اۋىستىرعان سوڭ مەدبيكە ونىڭ جورگەگىن اۋىستىرىپ جاتقاندا ورىنسىز قول جۇگىرتكەن كورىنەدى.
وزىنە مەدبيكەنىڭ بىرنەشە رەت سەكسۋالدىق سيپاتتاعى زورلىق-زومبىلىق كورسەتكەنىن بىلگەن ايەل بار مۇڭىن قىزىنا ايتقان. قازاقستاندىقتار دەرەۋ پوليتسياعا حابار بەرىپ، اۋرۋحانا باسشىلىعىنا شاعىمدانىپتى.
ناۋقاس ايەلگە قول جۇگىرتكەن كۇدىكتى دۇيسەنبى كۇنى قاماۋعا الىندى.
"ايىپتاۋلاردى ەسكەرە وتىرىپ، ءبىز وقيعاعا قاتىسى بار بارلىق تاراپتارعا ادىلەتتى قاراۋعا جانە شىندىقتى انىقتاۋ ءۇشىن جانە ادىلەتتىلىكتى قامتاماسىز ەتۋ ءۇشىن مۇقيات جانە بەيتاراپ تەرگەۋ جۇرگىزىلۋىنە بارلىق كۇش-جىگەرىمىزدى سالامىز", - دەلىنگەن شەتەلدىك باق تاراتقان مالىمەتتەردە.
