بيىل 181 مىڭ تالاپكەر قاتىسقان بىرىڭعاي ۇلتتىق تەستىلەۋدە 140 بالل جيناپ، سوڭعى ءۇش جىلدا بولماعان رەكوردتى ورناتقان جاننۇر ەڭسەبەك پەن ايىم ەرجانوۆا ءوز قۇجاتتارىن SDU ۋنيۆەرسيتەتىنە تاپسىردى، دەپ حابارلايدى “ادىرنا” ۇلتتىق پورتالى.
الماتى وبلىسى، تالعار اۋدانى، قارابۇلاق اۋىلىنىڭ №22 جالپى ءبىلىم بەرەتىن ورتا مەكتەبىنىڭ تۇلەگى جاننۇر ەڭسەبەك ءوز تاڭداۋىن وقۋ جىلىنىڭ باسىندا جاساپ قويعان ەكەن. بۇل تۋرالى ول “ادىرنا” تىلشىسىنە بەرگەن سۇحباتىندا ايتقان بولاتىن. سوندىقتان دا گرانت كونكۋرسىنا ءوتىنىش قابىلداۋ كەزەڭىنىڭ العاشقى كۇنىندە-اق «التىن بەلگى» يەگەرى تاڭداۋ پاراعىندا تەك SDU-دى بەلگىلەپ، قۇجاتتارىن تاپسىرىپ كەتتى.
ءدال وسىنداي ۇزدىك ناتيجەگە قول جەتكىزگەن اقمولا وبلىسى قوسشى قالاسىنداعى ر.قوشقارباەۆ اتىنداعى №1 مەكتەپتىڭ تۇلەگى ايىم ەرجانوۆا دا SDU ۋنيۆەرسيتەتىن تاڭدادى. 140 جيناعان ايىم تۋرالى “ادىرنا” ماتەريالىندا تارقاتقان ەدىك.
ەسكە سالا كەتەيىك، 2018 جىلى 140 بالل جيناعان شيارا قۇدايبەرگەنوۆا دا SDU-دىڭ تۇلەگى اتانعان.
