قازاقستاندىقتارعا 1414 نومىرىنەن جىبەرىلگەن كودتارى بار حابارلامالاردى ءۇشىنشى تۇلعالارعا جىبەرمەۋ تۋرالى ەسكەرتۋ جاسالدى، - دەپ حابارلايدى “ادىرنا” ۇلتتىق پورتالى.
eGov.kz حابارلاعانداي، شابۋىلداۋشىلار حابارلاماداعى كودتى پايدالانىپ، تسيفرلىق دەرەكتەرگە قول جەتكىزە الادى.
«ەتسق-نى ءۇشىنشى تۇلعالارعا بەرۋ ارقىلى ءسىز ولارعا زاڭدى قولتاڭبا مۇمكىندىگىن ءىس جۇزىندە بەرەسىز جانە ونىڭ سالدارى ءۇشىن جاۋاپتى بولاسىز»، - دەپ ەسكەرتىلدى قازاقستاندىقتارعا.
دەرەكتەردى قالاي قورعاۋعا بولادى:
- 1414 كودىن ءۇشىنشى تۇلعالارعا كورسەتپەڭىز;
- ەتسق كىلتىن ءۇشىنشى تۇلعالارعا بەرمەڭىز;
- ەگەر قىزمەتكەرلەردە ەتسق كىلتى بولسا، وندا جۇمىستان شىعارىلعاننان كەيىن ەتسق-نى قايتارۋدى قاداعالاۋ قاجەت;
- رەسمي قۇجاتتارعا قول قويۋعا جاۋاپتى قىزمەتكەرلەرگە جەكە ەتسق بەرىلۋى قاجەت;
- ەگەر ەتسق كىلتتەرى بار فلەشكانى جوعالتىپ الساڭىز، جوعالعان ەتسق كىلتتەرىن قايتارىپ الۋىڭىز كەرەك;
- حالىققا قىزمەت كورسەتۋ ورتالىعىندا ەتسق كىلتتەرىن الۋ كەزىندە ءپارولدى وزگەرتۋدى ۇمىتپاڭىز;
- بەيتانىس ادامداردان ەتسق كىلتتەرىن اقىلى تۇردە اشىپ بەرۋ قىزمەتىن قولدانباڭىز.
