ءبىلىم گرانتىنا ءوتىنىش بەرۋدىڭ ءبىرىنشى كۇنى 14 مىڭعا جۋىق قۇجات قابىلداندى، دەپ حابارلايدى "ادىرنا" ءتىلشىسى.
جاس تۇلەكتەر مەن اتا-انالار العاشقى كۇننەن باستاپ ءبىلىم بەرۋ گرانتىنا جاپپاي ءوتىنىم بەرە باستاعان. قۇجاتتاردى قابىلداۋ ەGov ارقىلى ونلاين فورماتتا، جوعارى وقۋ ورىندارىنىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلىپ جاتىر.
عىلىم جانە جوعارى ءبىلىم مينيسترلىگى قۇجاتتاردى كەز كەلگەن جوو ارقىلى تاپسىرۋعا بولاتىنىن مالىمدەدى.
"وتاندىق جوعارى وقۋ ورىندارىنا وقۋعا ءتۇسۋ ءۇشىن تالاپكەرلەر جەكە كۋالىك، ۇبت سەرتيفيكاتى، 3ح4 كولەمىندەگى فوتو، ورتا ءبىلىم تۋرالى اتتەستات (تەحنيكالىق پەن كاسىپتىك ءبىلىم بەرۋ (تجكب) ۇيىمدارىنىڭ تۇلەكتەرى ءۇشىن ديپلوم), سونداي-اق، جەڭىلدەتىلگەن سانات بويىنشا كونكۋرسقا قاتىسۋ ءۇشىن راستايتىن قۇجاتتار ۇسىنادى", – دەلىنگەن مينيسترلىك مالىمدەمەسىندە.
