مەملەكەت باسشىسى قاسىم-جومارت توقاەۆ اقش-تىڭ بۇرىنعى پرەزيدەنتىنە جاسالعان قاستاندىققا پىكىر ءبىلدىردى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
اقوردانىڭ مالىمەتىنشە، پرەزيدەنت توقاەۆ ترامپقا جاسالعان قاستاندىقتى قاتاڭ ايىپتاعان.
«مەملەكەت باسشىسى قاسىم-جومارت توقاەۆ اقش-تىڭ بۇرىنعى پرەزيدەنتى دونالد ترامپتىڭ ومىرىنە جاسالعان قاستاندىقتى قاتاڭ ايىپتاپ، ونىڭ تەزىرەك ساۋىعىپ كەتۋىن تىلەدى»، - دەلىنگەن حابارلامادا.
ايتا كەتەيىك، پرەزيدەنتتىككە ۇمىتكەر دونالد ترامپ پەنسيلۆانيادا سايلاۋ ناۋقانى كەزىندە ءسوز سويلەگەن. جيىن بارىسىندا وق اتىلىپ، كانديداتتىڭ وڭ قۇلاعىن جاراقاتتادى. وقيعا تۋرالى دەرەكتەر 14 شىلدە كۇنى تاراي باستادى.
اقش-تا كەزەكتى پرەزيدەنت سايلاۋى قاراشا ايىندا وتەدى.
