ۇكىمەتارالىق كوميسسيا وتىرىسىنا قاتىسۋ ءۇشىن قازاقستانعا جۇمىس ساپارىمەن كەلگەن وزبەكستان پرەمەر-ءمينيسترى ابدۋللا اريپوۆ الماتىداعى بىرقاتار نىسانداردى ارالادى، دەپ حابارلايدى “ادىرنا” ۇلتتىق پورتالى پرەمەر-ءمينيستردىڭ رەسمي سايتىنا سىلتەپ.
قازاقستان ۇكىمەتىنىڭ باسشىسى ولجاس بەكتەنوۆ پەن وزبەكستاندىق پرەمەر ابدۋللا اريپوۆ قالاداعى قوعامدىق كولىكتەرگە ارنالعان ديسپەتچەرلىك ورتالىقتى بىرلەسىپ تەكسەردى. وزبەكستان رەسپۋبليكاسىنىڭ پرەمەر-مينيسترىنە قازاقستاننىڭ تسيفرلىق شەشىمدەرى تانىستىرىلدى.
جۇمىس ساپارى بارىسىندا اعىمداعى جىلدىڭ ناۋرىز ايىندا اشىلعان جانە ورتالىق ازياداعى ەڭ ءىرى ياندەكس كەڭسەسىنە اينالعان Yandex Qazaqstan-نىڭ جاڭا كەڭسەسى قارالدى. كومپانيا بەلسەندى تۇردە لوكاليزاتسيالانۋدا. بۇگىندە وندا 750-دەن استام قىزمەتكەر جۇمىس ىستەيدى.
ۇكىمەت باسشىلارىنا قازاقستاندىق پايدالانۋشىلار مەن بيزنەس سەكتورىنىڭ قاجەتتىلىكتەرىنە بەيىمدەلگەن ىزدەۋ جۇيەلەرى، كارتالار، كولىك قىزمەتتەرى سياقتى ۇسىنىلاتىن قىزمەتتەردىڭ كەڭ اۋقىمى ۇسىنىلدى. ياندەكس حالىقارالىق IT-كومپانياسى بۇلتتىق تەحنولوگيالارعا، قازاق تىلىندەگى سويلەۋ سينتەزىنە، ينتەرنەتتە ىزدەۋ مەن جاساندى ينتەللەكتتى دامىتۋعا ينۆەستيتسيا سالۋدا. تەكسەرۋ بارىسىندا «اليسا»-مەن قازاق تىلىندە ينتەراكتيۆتى اڭگىمە كورسەتىلدى.
سونىمەر قاتار، وزبەكستان پرەزيدەنتى شاۆكات ميرزيەەۆتىڭ قازاقستانعا رەسمي ساپارى قارساڭىنداعى ەكىجاقتى كۇن ءتارتىبىنىڭ وزەكتى ماسەلەلەرى بويىنشا پىكىر الماسىپ، ەكى ەل پرەمەرى مەملەكەت باسشىلارىنىڭ كەلىسىمدەرىن جۇزەگە اسىرۋ قارقىنىن قاراستىردى. اتاپ ايتقاندا، ساۋدا-ەكونوميكالىق، ينۆەستيتسيالىق، سۋ-ەنەرگەتيكا سالاسىنداعى ىنتىماقتاستىقتى، كولىك، ونەركاسىپ، اۋىل شارۋاشىلىعى، ەكولوگيا جانە تسيفرلاندىرۋ سالالارىنداعى ءوزارا ءىس-قيمىلدى نىعايتۋعا باعىتتالعان جوبالاردىڭ جاي-كۇيى تالقىلاندى.
بۇدان بولەك، ورتالىق ازياداعى بارلىق ساۋدانىڭ 57%-ى قازاقستان مەن وزبەكستانعا تيەسىلى ەكەنى ايتىلدى. وتكەن جىلدىڭ قورىتىندىسى بويىنشا ەلدەر اراسىنداعى تاۋار اينالىمى 2024 جىلدىڭ 4 ايىندا 4,5 ميلليارد دوللاردى قۇرادى، كولەمى 1,2 ميلليارد دوللاردان استى.
