11 شىلدە كۇنى ۆاشينگتونداعى ناتو ءسامميتى اياسىندا 24 ەلدىڭ كوشباسشىسى «ۋكراينا كەلىسىمىنە» قول قويدى. ولاردىڭ اراسىندا سولتۇستىك اتلانتيكالىق اليانسقا مۇشە 32 ەلدىڭ 22-ءسى، ۋكراينانىڭ ءوزى مەن ناتو-عا كىرمەيتىن جاپونيا بار، دەپ حابارلايدى «ادىرنا» ءتىلشىسى.
كەلىسىمدە ءۇش مىندەت كورسەتىلگەن. تاراپتار ۋكرايناعا قورعانىس پەن قاۋىپسىزدىك سالاسىندا قولداۋ كورسەتۋگە، سونداي-اق قورعانىس قابىلەتىن قولدايتىن كۇشتەر قۇرۋعا ۋادە بەردى. سونداي-اق رەسەي تاراپىنان قارۋلى شابۋىل بولعان جاعدايدا ۋكراينانى قولداۋدىڭ كەلەسى قادامدارىن انىقتاۋ ءۇشىن «جەدەل جانە ۇجىمدىق تۇردە» كەزدەسۋگە كەلىستى.
ناتو-عا مۇشە 10 ەل، اتاپ ايتساق، البانيا، بولگاريا، ۆەنگريا، گرەتسيا، سولتۇستىك ماكەدونيا، رۋمىنيا، سلوۆاكيا، تۇركيا، حورۆاتيا جانە چەرنوگوريا كەلىسىمگە قول قويمادى.
