11 шілде күні Вашингтондағы НАТО саммиті аясында 24 елдің көшбасшысы «Украина келісіміне» қол қойды. Олардың арасында Солтүстік Атлантикалық альянсқа мүше 32 елдің 22-сі, Украинаның өзі мен НАТО-ға кірмейтін Жапония бар, деп хабарлайды «Адырна» тілшісі.
Келісімде үш міндет көрсетілген. Тараптар Украинаға қорғаныс пен қауіпсіздік саласында қолдау көрсетуге, сондай-ақ қорғаныс қабілетін қолдайтын күштер құруға уәде берді. Сондай-ақ Ресей тарапынан қарулы шабуыл болған жағдайда Украинаны қолдаудың келесі қадамдарын анықтау үшін «жедел және ұжымдық түрде» кездесуге келісті.
НАТО-ға мүше 10 ел, атап айтсақ, Албания, Болгария, Венгрия, Греция, Солтүстік Македония, Румыния, Словакия, Түркия, Хорватия және Черногория келісімге қол қоймады.
