بۇگىن، 12 شىلدەدە اقتوبە قالاسىندا دۇكەننەن ءورت شىقتى. بۇل تۋرالى تجم ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«توعىز قاباتتى تۇرعىن ءۇيدىڭ ءبىرىنشى قاباتىنداعى ازىق-تۇلىك دۇكەنىندە 4 شارشى مەتر الاڭدا توڭازىتقىش ورتەندى. قۇتقارۋشىلاردىڭ جەدەل ءىس-قيمىلدارىنىڭ ارقاسىندا ءورت شاقىرۋ تۇسكەن ساتتەن باستاپ 20 مينۋت ىشىندە جويىلدى»،—دەلىنگەن حابارلامادا.
ايتا كەتەيىك، تجم قىزمەتكەرلەرى 7 ادام قۇتقاردى. ونىڭ ىشىندە 3 بالا، جوعارعى قاباتتاردان 5 بالا جانە 11 ەرەسەك ەۆاكۋاتسيالاندى. زارداپ شەككەندەر جوق. ءورتتىڭ سەبەبى انىقتالۋدا.
