Бүгін, 12 шілдеде Ақтөбе қаласында дүкеннен өрт шықты. Бұл туралы ТЖМ баспасөз қызметі айтты, деп хабарлайды «Адырна» тілшісі.
«Тоғыз қабатты тұрғын үйдің бірінші қабатындағы азық-түлік дүкенінде 4 шаршы метр алаңда тоңазытқыш өртенді. Құтқарушылардың жедел іс-қимылдарының арқасында өрт шақыру түскен сәттен бастап 20 минут ішінде жойылды»,—делінген хабарламада.
Айта кетейік, ТЖМ қызметкерлері 7 адам құтқарды. Оның ішінде 3 бала, жоғарғы қабаттардан 5 бала және 11 ересек эвакуацияланды. Зардап шеккендер жоқ. Өрттің себебі анықталуда.
Ұқсас жаңалықтар
