باتىس قازاقستان وبلىسىنىڭ پروكۋراتۋراسى قىمبات سىرت كيىم تىگۋگە تاپسىرىس بەرگەن، دەپ حابارلايدى "ادىرنا" ۇلتتىق پورتالى.
مەملەكەتتىك ساتىپ الۋلار سايتىندا بىلعارىنىڭ قۇنى 800 مىڭ تەڭگە دەپ كورسەتىلگەن.
سايتتاعى قوسىمشا سيپاتتامادا بىلعارى پالتونىڭ مەملەكەتتىك ادىلەت كەڭەسشىسىنە ارناپ تىگىلەتىنى دە كورسەتىلگەن. ودان بولەك، كيىم قارا ءتۇستى، تۇكتى استارى بار، تازا بىلعارىدان جاسالۋعا ءتيىس ەكەنى دە ايشىقتالعان. ال قۇندى سىرت كيىمنىڭ جاعاسى ناعىز قاراكول جۇنىنەن جاسالۋى ءتيىس ەكەن.
“2024 جىلعى 13 ماۋسىمدا "كامودا" جشس-ءنىڭ ءبىر باعا ۇسىنۋىنا بايلانىستى مەملەكەتتىك ساتىپ الۋ وتكىزىلمەدى دەپ تانىلدى. سول كۇنى مەملەكەتتىك ساتىپ الۋ پورتالى اۆتوماتتى تۇردە "كامودا" جشس جەتكىزۋشىسىنە ەلەكتروندى شاقىرۋ جاسادى. 2024 جىلعى 18 ماۋسىمداعى مەملەكەتتىك ساتىپ الۋ قورىتىندىسى بويىنشا، "كامودا" جشس شاقىرىلعان جەتكىزۋشىمەن "ەلەكتروندى ساتىپ الۋ ارقىلى ءبىر كوزدەن الۋ" تاسىلىمەن مەملەكەتتىك ساتىپ الۋ تۋرالى شارت جاساسۋ تۋرالى شەشىم قابىلداندى”، – دەپ جاۋاپ بەردى وبلىستىق پروكۋراتۋرا.
