باتىس قازاقستاندا اۋىل اكىمى ماس كۇيىندە قوعامدىق ورىندا جۇرگەن، دەپ حابارلايدى "ادىرنا" ۇلتتىق پورتالى ازاتتىق رۋحىنا سىلتەپ.
مەرەي اۋىلدىق وكرۋگى اكىمى ورىنبەك ناسيمۋللين قوعامدىق ورىندا ماس كۇيىندە پايدا بولعانى ءۇشىن ايىپپۇل ارقالاعان.
ناسيمۋللينگە قاتىستى ءمان-جايلار انىقتالعاننان كەيىن اقبتك-ءنىڭ 440-بابى بويىنشا «الكوگولدىك ىشىمدىكتەردى ءىشۋ نەمەسە قوعامدىق ورىنداردا ماس كۇيىندە پايدا بولۋ» بويىنشا اكىمشىلىك حاتتاماعا ساي بەس اەك (18 460 تەڭگە) ايىپپۇل ارقالاعان.
«ءبىز سونداي-اق مەملەكەتتىك قىزمەت ىستەرى اگەنتتىگىنىڭ دەپارتامەنتىنە سۇراۋ جىبەرىپ، ونى تارتىپتىك جاۋاپكەرشىلىككە تارتۋدى سۇرادىق. اكىمنىڭ ءوزى ۇيدە سىرا ىشكەنىن ايتتى. كوشەدە شۋ ەستىلىپ، ول قاراۋعا شىعىپتى»، - دەدى باۋىرجان احمەتجان.
ايتا كەتەيىك، ورىنبەك ناسيمۋللين 2022 جىلى «ۇزدىك اۋىل اكىمى» اتانعان.
