تۇركىستان وبلىسىندا دەمالۋعا كەتكەن قىز بەن جىگىت سۋعا ءتۇسىپ كوز جۇمدى، دەپ حابارلايدى “ادىرنا” ۇلتتىق پورتالى Otyrar.kz-كە سىلتەپ.
بايدىبەك اۋدانىنداعى شۇقىرشاق سارقىراماسىنا جىگىت پەن قىز دوستارىمەن دەمالۋعا بارعان.
قايعىلى وقيعا 29 ماۋسىم كۇنى بولعان. كۋاگەر ايەل وقيعانىڭ قالاي بولعانىن بايانداپ بەردى.
"بۇل جەر وتە قاۋىپتى، ءوزىمىز دە كوردىك. ءبىر قاراعاندا اقىرىن اعىپ جاتقان سياقتى كورىنەدى، بىراق قاتتى اعىنمەن شۇڭقىر جاساپ اعىپ جاتتى. كۇيەۋىم دە سۋعا باتىپ كەتە جازداپ، سول جەردەن ازەر شىقتى" ، - دەدى ايەل.
ەرلى-زايىپتىلار كەشكە قاراي ۇيگە قايتۋعا دايىندالىپ جاتقاندا، سارقىراماعا ءبىر توپ جاس كەلگەنىن كورىنەدى.
“مەن ولارعا بارماڭدار، قاۋىپتى دەدىم. بىراق ولار مەنى تۇسىنبەي، تومەنگە قاراي بەتتەدى. ايعايلاپ شۇڭقىر جاققا بارماۋىن سۇرادىم. ولاردىڭ ۇشەۋى سول ماڭدا كۇلىپ-ويناپ ءجۇردى، ءبىر كەزدە سەكۋند ىشىندە ولاردى قاتتى اعىس ءيىرىپ اكەتتى", - دەدى ايەل.
