قوستاناي وبلىسىندا اۆتورلىق قاداعالاۋ توبىنىڭ جەتەكشىسى مەديتسينالىق نىسانداردى سالۋشىلاردان 9 ملن تەڭگە پارا العان. بۇل تۋرالى قارجى مونيتورينگى اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
"ول "اۋىلدىق دەنساۋلىق ساقتاۋدى جاڭعىرتۋ" ۇلتتىق جوباسى شەڭبەرىندە دارىگەرلىك امبۋلاتوريالار سالاتىن كومپانيانىڭ باس ينجەنەرىنەن ورىندالعان جۇمىستار اكتىلەرىنە جانە پايدالانۋعا بەرۋ اكتىلەرىنە كەدەرگىسىز قول قويعانى ءۇشىن 9 000 000 تەڭگە كولەمىندە زاڭسىز سىياقى العان", - دەلىنگەن حابارلامادا.
كۇدىكتى قولما-قول اقشا العان كەزدە ۇستالدى.
"زاڭسىز سىياقى مولشەرى مەديتسينالىق وبەكتىلەردى سالۋ قۇنىنىڭ جالپى سوماسىنىڭ 1%-ءىن قۇرايدى", - دەپ تولىقتىردى ۆەدومستۆو.
سوتقا دەيىنگى تەرگەۋ ءجۇرىپ جاتىر.
