اتىراۋدا ساياباقتاعى اتكەنشەك ىستەن شىعىپ، بىرنەشە بالا زارداپ شەكتى، دەپ حابارلايدى "ادىرنا" ۇلتتىق پورتالى.
2 شىلدە كۇنى “كەرەمەت” ساياباعىندا اتتراكتسيون كەنەت ىستەن شىعىپ، زارداپ شەككەن بەس بالا وبلىستىق بالالار اۋرۋحاناعا جەتكىزىلدى.
وبلىستىق دەنساۋلىق ساقتاۋ باسقارماسىنىڭ مالىمەتىنشە، ءتورت بالا امبۋلاتوريالىق ەم العان سوڭ ۇيىنە جىبەرىلدى. ال ءبىر بالا اۋرۋحانادا ءالى ەم قابىلداپ جاتىر.
اتالعان دەرەك بويىنشا، جاۋاپتىلارعا قىلمىستىق كودەكستىڭ 306-بابى 2-بولىمىنە، "كامەلەتكە تولماعاندارعا ارنالعان تاۋارلار نەمەسە قىزمەتتەرگە قاتىستى قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ، جۇمىستاردى ورىنداۋ نەمەسە قىزمەت كورسەتۋگە" سايكەس قىلمىستىق ءىس قوزعالدى.
