Атырауда саябақтағы әткеншек істен шығып, бірнеше бала зардап шекті, деп хабарлайды "Адырна" ұлттық порталы.
2 шілде күні “Керемет” саябағында аттракцион кенет істен шығып, зардап шеккен бес бала облыстық балалар ауруханаға жеткізілді.
Облыстық Денсаулық сақтау басқармасының мәліметінше, төрт бала амбулаториялық ем алған соң үйіне жіберілді. Ал бір бала ауруханада әлі ем қабылдап жатыр.
Аталған дерек бойынша, жауаптыларға Қылмыстық кодекстің 306-бабы 2-бөліміне, "Кәмелетке толмағандарға арналған тауарлар немесе қызметтерге қатысты қауіпсіздік талаптарына сай келмейтін тауарларды шығару немесе сату, жұмыстарды орындау немесе қызмет көрсетуге" сәйкес қылмыстық іс қозғалды.
