ەلوردا كۇنى مەن شىۇ ءسامميتى قارساڭىندا استانادا 3 شىلدە كۇنى بوتانيكالىق باقتا وتشاشۋلار اتىلادى، دەپ حابارلايدى “ادىرنا” ۇلتتىق پورتالى.
وتشاشۋ شامامەن 22:00 مەن 22:30 اراسىندا اتىلادى. فەيەرۆەرك جەكە دەمەۋشىلىك قاراجات ەسەبىنەن ۇيىمداستىرىلىپ وتىر.
قاۋىپسىزدىك شارالارى ءۇشىن الدىن الا، 3 شىلدە، ساعات 19:00-دە دايىندىق بولادى. بوتانيكالىق باقتىڭ اۋماعى جارتىلاي جابىلادى. بۇل قورشاۋ ازاماتتاردىڭ قاۋىپسىزدىگى ءۇشىن قاجەت. وتشاشۋدى جاقىن ماڭداعى اۋدانداردان، سونىڭ ىشىندە ۇلىتاۋ ساياباعى اۋماعىنان تاماشالاۋعا بولادى.
ەستەرىڭىزگە سالا كەتەيىك، 6 شىلدە كۇنى ساعات 18:00-دە ەكسپو اۋماعىندا «Open Air» مەرەكەلىك كونتسەرتى وتەدى. كونتسەرت سوڭىندا ۇشقىشسىز جارىق شوۋى جوسپارلانىپ وتىر. درون كومەگىمەن ۇيىمتاستىرىلاتىن شوۋ شامامەن ۋاقىتى ساعات 22:15-22:30-دە بولادى.
