قازاقستاننىڭ ەكس-پرەزيدەنتى نۇرسۇلتان نازارباەۆپەن ۇنەمى بايلانىستا بولاتىن بريتاندىق Jusan Technologies كومپانياسى 127 ميلليون دوللارعا ايىرباس رەتىندە قازاقستاندا بيزنەس جۇرگىزۋدەن باس تارتقان. بۇل تۋرالى Telegram-داعى «Exit to the Sea» ارناسى جازدى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
«ءتۇرلى ايلا-شارعىلاردىڭ ناتيجەسىندە باقىلاۋىنداعى Jusan توبىنىڭ 8 ميلليارد دوللارعا جۋىق اكتيۆتەرىنە يە بولعان بريتاندىق Jusan Technologies كومپانياسى قازاقستانداعى بيزنەسىنەن باس تارتۋى ءۇشىن 127 ميلليون دوللار الدى.
بۇل جاقىندا بريتاندىق كوممەرتسيالىق تىزىلىمدە جاريالانعان Jusan Technologies كومپانياسىنىڭ قارجىلىق ەسەپتەرىنەن تۋىندايدى. سونىمەن قاتار، QAZ42 Jusan Technologies-تەگى ۇلەسى ءۇشىن شامامەن 8 ميلليون دوللار الدى. ول ءۇشىن بۇرىن 20 ميلليون دوللار تولەدى، سودان كەيىن ول قۇنى 10 ەسە كوپ اكتسيانىڭ يەسى بولدى. سوڭعى كومپانيا ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ماسىموۆپەن بايلانىسى بولۋى مۇمكىن»، - دەلىنگەن دۇيسەنبىدە جاريالانعان حاباردا.
ايتا كەتەيىك، First Heartland Jusan Bank بىرنەشە جىلدان بەرى قازاقستاننىڭ ەكس-پرەزيدەنتى نۇرسۇلتان نازارباەۆپەن بەلسەندى تۇردە ارالاسىپ كەلەدى.
First Heartland Jusan Bank اكتسيالارىنىڭ 78%-دان استامى «First Heartland Securities» اق-عا تيەسىلى، ول نازارباەۆ ۋنيۆەرسيتەتى، زياتكەرلىك مەكتەپتەر،نازارباەۆ اۆتونومدى ءبىلىم بەرۋ ۇيىمدارى توبىنىڭ قارجىلىق حولدينگىنىڭ ينۆەستيتسيالىق بولىمشەسىن باقىلايدى. بۇل رەتتە First Heartland Securities-ءتى باقىلايتىن قۇرىلىم دەلىنگەن Jusan Technologies LTD نازارباەۆ جانە ونىڭ وتباسىمەن بايلانىسىن جوققا شىعارادى.
