كورشى موڭعوليادان قارالى حابار كەلىپ جەتتى. سەكسەن جاسقا قاراعان شاعىندا نوتا اعامىز بەن بانۋ جەڭگەي جول اپاتىنان قايتىس بولىپتى.
عاجايىپ نەيروحيرۋرگ نوتا قاجىمەن ەڭ العاش 1993 جىلى مامىردا ۇلان-باتىردا تانىسىپ ەدىك.
موڭعول ۇلتتىق ۋنيۆەرسيتەتىنىڭ پرورەكتورى ميزامحان مىرزامەن بىرگە ۇشەۋىمىز نالايحاداعى كونە تۇركىنىڭ تونىكوك ەسكەرتكىشىنە زياراتقا بارىپ قايتقان ساپار ەستەن كەتپەيدى. قايتار جولدا قويشى قازاقتىڭ كيىز ۇيىندە قوناق بولعان ساتتەر تىپتەن كەرەمەت ەدى.
جاھانعا بەلگىلى مامان-دارىگەر، مىقتى قازاق، ونەگەلى مۇسىلمان، جومارت جان نوتا قاجى مەن بانۋ جەڭگەيدىڭ ماڭگىلىك مەكەنى ءجاننات بولسىن! قازاق ەلى دە نوتا مارقۇمنىڭ ەسىمى مەن ءىسىن ەشقاشان ۇمىتپاق ەمەس!
نوتا ءانۋارۇلى اتى امان تولەەۆ، مۇستافا وزتۇرىك، انۋاربەك ءجۇنىسوۆ، ميزامحان كۇنتۋعانۇلى ت.ب. الەمگە ايگىلى قازاق قانداستارىمىزدىڭ ەسىمدەرىمەن قاتار اتالاتىندىعىندا ەش ءشۇبا كەلتىرمەيمىز!
Beibit Saparaly
