الماتىدا موپەد جۇرگىزۋشىسى ايەلدى قاعىپ كەتتى. جول-كولىك وقيعاسى سالدارىنان ەكەۋى دە سول جەردە كوز جۇمدى، - دەپ حابارلايدى “ادىرنا” ۇلتتىق پورتالى.
الماتى پوليتسيا دەپارتامەنتىنەن حابارلاعانداي، بۇگىن ساعات 02:50-دە قالانىڭ ناۋرىزباي اۋدانىندا جول-كولىك وقيعاسى ورىن الدى.
«موپەد جۇرگىزۋشىسى، 2002 جىلى تۋعان قازاقستان ازاماتى. رايىمبەك داڭعىلىنىڭ بويىمەن شىعىس باعىتتا كەلە جاتىپ، 25-30 جاستاعى جاياۋ جۇرگىنشىنى قاعىپ كەتكەن. جول-كولىك وقيعاسى سالدارىنان ەكەۋى دە موپەد جۇرگىزۋشىسى مەن جاياۋ جۇرگىنشى وقيعا ورنىندا قازا تاپتى»، - دەلىنگەن ۆەدومستۆونىڭ ءباسپاسوز قىزمەتى تاراتقان حابارلامادا.
اتالعان فاكتى بويىنشا قىلمىستىق ءىس قوزعالدى. ءتيىستى ساراپتامالار تاعايىندالدى.
