الداعى كۇندەرى ەلىمىزدىڭ بىرنەشە وڭىرىندە كۇن 43 گرادۋسقا دەيىن ىسيدى. بۇل تۋرالى وتاندىق سينوپتيكتەر كەشە، 27 ماۋسىمدا ايتتى، دەپ حابارلايدى “ادىرنا” ۇلتتىق پورتالى.
"قازگيدرومەت" رمك حابارلاۋىنشا، 27 جانە 28 ماۋسىم كۇنى ەلدىڭ باتىسىندا، سولتۇستىك-باتىسىندا قاتتى جاڭبىر جاۋادى. تاياۋ كۇندەرى قازاقستان اۋماعىنىڭ باسىم بولىگىنە تسيكلون اسەر ەتىپ، باتىس جانە سولتۇستىك-باتىس وڭىرلەرىندە نايزاعاي بولىپ، جاڭبىر جاۋادى. ودان بولەك بۇرشاق ءتۇسىپ، جەل سوعۋى ىقتيمال.
جاڭبىر قارقىنى 27 ماۋسىمدا وڭتۇستىك-باتىستا، 27-29 ماۋسىم كۇنى سولتۇستىك-باتىستا، 28-29 ماۋسىم كۇنى ەلىمىزدىڭ باتىسىندا، سولتۇستىگىندە ارتادى. قازاقستاننىڭ شىعىسى مەن سولتۇستىك-شىعىسىندا عانا اۋا رايى جاۋىن-شاشىنسىز بولادى. 27 ماۋسىمدا سولتۇستىك-باتىستا، 28-29 ماۋسىم وڭتۇستىكتە، 29 ماۋسىم سولتۇستىكتە، ورتالىقتا اپتاپتىڭ بەتى قايتادى.
ال ەلدىڭ شىعىسىندا، وڭتۇستىك-شىعىسىندا 40, 43 گرادۋسقا دەيىن قاتتى ىستىق ساقتالادى.
