قارالى حاباردى جازۋشىلار وداعىنىڭ telegram ارناسى جازدى.
"ارداقتى اعايىن! بەلگىلى قالامگەر، ەتنوگراف-جازۋشى، قاسيەتتى قۇران كارىمدى قازاق تىلىنە اۋدارعان ءتارجىماشى ۋاقاپ قىدىرحانۇلى اعامىز كەشە 91-گە قاراعان جاسىندا دۇنيەدەن وزدى", – دەلىنگەن ەستىرتۋدە.
مارقۇممەن قوشتاسۋ ەرتەڭ، 27 ماۋسىمدا ساعات 10:00-دە الماتىداعى قازاقستان جازۋشىلار وداعىندا (ابىلاي حان داڭعىلى، 105) وتەتىنى حابارلانعان.
"وداق عيماراتىنىڭ الدىندا جانازاسى شىعارىلادى. ساعات 13:00-دە "جۇلدىز" رەستورانىندا (گوگول كوشەسى، 40) جانازا اسى بەرىلمەك. قادىرلى قالامگەرلەر، جانازاعا قاتىسىڭىزدار!" – دەلىنگەن وداق حابارىندا.
ۋاقاپ قىدىرحانۇلى – 1932 جىلى 23 جەلتوقساندا دۇنيەگە كەلگەن. قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن سوڭ "لەنينشىل جاس" (قازىرگى "جاس الاش") گازەتىندە ادەبي قىزمەتكەر، شىعىس قازاقستان وبلىستىق "كوممۋنيزم تۋى" گازەتىندە، قازاق راديوسىندا، "سوتسياليستىك قازاقستان" (قازىرگى "ەگەمەن قازاقستان") گازەتىندە ءبولىم مەڭگەرۋشىسى، ەلارالىق "شالقار" گازەتىندە باس رەداكتور قىزمەتىن اتقارعان.
ءبىر توپ ولەڭى 1960 جىلى جاس اقىنداردىڭ "جىرعا ساپار" جيناعىندا، "انت" پوۆەسى "جول باسى" اتتى ۇجىمدىق جيناقتا جارىق كوردى. "شاڭقاي ءتۇس", "تاڭ نۇرى", "تاسقاينات", "التىن اي" اتتى اڭگىمە-پوۆەستەر جيناعىنىڭ، بىرنەشە دەرەكتى كىتاپشالاردىڭ اۆتورى. 1991 جىلى قۇران كارىمنىڭ تۇسىندىرمەلى-ماعىنالىق ءتارجىماسىن جاسادى. ونىڭ جەتىلدىرىلگەن، جاڭا نۇسقاسى 2002 جىلى قايتا باسىلىپ، تەگىن تاراتىلعان.
قازاقستان جۋرناليستەر وداعى سىيلىعىنىڭ ءۇش مارتە يەگەرى. قازاقستاننىڭ ەڭبەك سىڭىرگەن قىزمەتكەرى، حالىقارالىق "الاش" ادەبي سىيلىعىنىڭ لاۋرەاتى.
