بۇگىن، 24 ماۋسىمدا الماتىدا گوركي اتىنداعى ورتالىق مادەنيەت جانە دەمالىس ساياباعىندا جاس انا اتتراكتسيوننان قۇلاپ، مەرت بولعان. بۇل تۋرالى Zakon.kz جاريالادى، دەپ حابارلايدى “ادىرنا” ۇلتتىق پورتالى.
الدىمەن الەۋمەتتىك جەلىدە بيىكتەن سەكىرمەس بۇرىن جاس كەلىنشەكتىڭ بالاسىن تۇنشىقتىرىپ ولتىرگەنى تۋرالى اقپارات تارادى.
بەلگىلى بولعانداي، ءتارتىپ ساقشىلارى قىز بالانىڭ دەنەسىن دە تاپقان.
اقپارات بويىنشا، الماتى وبلىستىق پد ءباسپاسوز قىزمەتى قىز بالانىڭ دەنەسى تابىلعانىن راستاعان.
«كامەلەتكە تولماعان بالانىڭ ءولىم فاكتىسى بويىنشا تەرگەۋ امالدارى قولعا الىندى. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى»، - دەدى پوليتسيادان.
ساياباقتا ايەل ادام جەدەل جاردەم كەلگەنشە قايتىس بولدى.
قالالىق پوليتسيا دەپارتامەنتى ءوز-وزىنە قول جۇمساۋ فاكتىسى بويىنشا قىلمىستىق ءىس قوزعالعانىن حابارلادى. وقيعانىڭ ءمان-جايى انىقتالىپ جاتىر.
