بۇگىن قالالىق جاستار ساياساتى ماسەلەلەرى باسقارماسىنىڭ قولداۋىمەن «جاسىل ەل» جاستار ەڭبەك جاساقتارى كەزەكتى «تازا دۇيسەنبى» اكتسياسىن وتكىزدى. بۇل تۋرالى ەلوردا اكىمدىگىنىڭ رەسمي سايتى جاريالادى، دەپ حابارلايدى “ادىرنا” ۇلتتىق پورتالى.
اتالعان ءىس-شارانى «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكواكتسياسى اياسىندا «رەسپۋبليكالىق ستۋدەنتتىك قۇرىلىس جانە جاستار جاساقتارى قوزعالىسى» قوعامدىق قورى ۇيىمداستىردى.
170-تەن اسا جاس رەسپۋبليكالىق باس مەشىت اۋماعىندا تازالىق جۇمىستارىن اتقاردى.
ۇيىمداستىرۋشىلاردىڭ ايتۋىنشا، اكتسيانىڭ ماقساتى – قالانىڭ ەكولوگيالىق جاعدايىن جاقسارتۋ جانە تازالىقتى ساقتاۋ.
«جاسىل ەل» باعدارلاماسىن ىسكە اسىرۋ – مەملەكەتتىك جاستار ساياساتىنىڭ نەگىزگى باسىم باعىتتارىنىڭ ءبىرى.
«بۇل ەلدە كوگالداندىرۋ، اباتتاندىرۋ جۇمىستارىن جۇرگىزۋ ارقىلى ستۋدەنت جاستاردى ەڭبەكپەن قامتاماسىز ەتۋ، كوپشىلىك اراسىندا ەكولوگيالىق تاربيەنى ناسيحاتتاۋ، وسكەلەڭ ۇرپاقتىڭ ءوزىنىڭ جەرىنە، ەلىنە دەگەن سۇيىسپەنشىلىگىن قالىپتاستىرۋ ماقساتىندا ۇيىمداستىرىلۋدا. سونداي-اق بۇگىنگى ءىس-شارا بارىسىندا «ءوندىرىس» تۇرعىن الابىنىڭ اينالاسىن تازارتۋ جۇمىستارى جۇرگىزىلدى. ەكولوگيالىق سانا مەن مادەنيەتتى قالىپتاستىرۋىمىز كەرەك. ونى اركىم وزىنەن باستاعانى ءجون»، - دەدى «رەسپۋبليكالىق ستۋدەنتتىك قۇرىلىس جانە ەڭبەك جاساقتارى قوزعالىسى» قوعامدىق قورىنىڭ توراعاسى مارات مۇحامەدجانوۆ.
ايتا كەتەيىك، بيىل «جاسىل ەل» ەڭبەك جاساقتارىنىڭ XX ەڭبەك ماۋسىمى باستالدى. جوبا اياسىندا ەلوردا بويىنشا 4 200-دەن استام 14 پەن 35 جاس ارالىعىندا جاستار جۇمىسپەن قامتاماسىز ەتىلەدى. ولار قالامىزدىڭ قۇرىلىس نىسانىندارىنا، قالا ماڭىنداعى «جاسىل بەلدەۋدە»، الەۋمەتتىك نىسانداردى، جالپى ءبىلىم بەرەتىن مەكەمەلەر اۋماعىندا، قالا ساياباقتارىنا، كوگالداندىرۋ جۇمىستارىنا اتسالىسادى.
