«اتىراۋ مۇناي وڭدەۋ زاۋىتى» جشس بۇرىنعى باس ديرەكتورى عالىمجان جۋسانباەۆ قىزمەتىنە قايتا ورالۋ مۇمكىندىگىنە قول جەتكىزدى. بۇل تۋرالى قازتاگ-قا قازاقستان مۇناي جانە گاز كەڭەسىنىڭ دەرەككوزدەرى ايتتى، دەپ حابارلايدى «ادىرنا» ءتىلشىسى.
«استاناداعى سوت وتىرىسىنىڭ قورىتىندىسى بويىنشا سوت «ءاموز» جشس-ءنىڭ بۇرىنعى باس ديرەكتورى عالىمجان جۋسانباەۆتى وتەماقى تولەي وتىرىپ، قىزمەتىنە قايتا تاعايىنداۋ تۋرالى شەشىم قابىلدادى»، - دەدى PetroCouncil.
سوت كابينەتىنىڭ مالىمەتىنشە، 21 ماۋسىم كۇنى سوتتا عالىمجان جۋسانباەۆتىڭ تالاپ-ارىزى بويىنشا ونى جۇمىسقا قايتا تاعايىنداۋ، ءماجبۇرلى تۇردە جۇمىستا بولماعان ۋاقىتى ءۇشىن جالاقىسىن ءوندىرۋ جانە مورالدىق زياندى وتەۋ ماسەلەسى قاراستىرىلعان.
ايتا كەتەيىك، عالىمجان جۋسانباەۆ 2024 جىلدىڭ 10 قاڭتارىندا اتىراۋ مۇناي وڭدەۋ زاۋىتىنىڭ باس ديرەكتورى لاۋازىمىنا تاعايىندالعان ەدى. 16 اقپاندا زاۋىتتىڭ باس ينجەنەرى ادىلەت شوشانباسوۆ جاڭا باس ديرەكتوردى زاۋىتتا قاۋىرت جاعداي جاسادى، بالاعات سوزدەر ايتتى جانە كاسىپورىن باسشىلىعى تاراپىنان ىقتيمال قارجىلىق ۇرلىق جاسادى دەپ ايىپتادى.
عالىمجان جۋسانباەۆ بۇل مالىمدەمەگە پىكىر ءبىلدىرىپ، پرەزيدەنت قاسىم-جومارت توقاەۆقا ەسكى كلاننىڭ بيلىككە كەدەرگى كەلتىرىپ وتىرعانىن جەتكىزدى. بۇل داۋ بويىنشا «قازمۇنايگاز» تاراپىنان قۇرىلعان كوميسسيا تەكسەرۋ جۇمىستارىن جۇرگىزىپ، 19 اقپاندا جۋسانباەۆ قىزمەتىنەن بوساتىلدى.
