«Atyrau mūnai öŋdeu zauyty» JŞS būrynǧy bas direktory Ǧalymjan Jusanbaev qyzmetıne qaita oralu mümkındıgıne qol jetkızdı. Būl turaly QazTAG-qa Qazaqstan mūnai jäne gaz keŋesınıŋ derekközderı aitty, dep habarlaidy «Adyrna» tılşısı.
«Astanadaǧy sot otyrysynyŋ qorytyndysy boiynşa sot «AMÖZ» JŞS-nıŋ būrynǧy bas direktory Ǧalymjan Jusanbaevty ötemaqy tölei otyryp, qyzmetıne qaita taǧaiyndau turaly şeşım qabyldady», - dedı PetroCouncil.
Sot kabinetınıŋ mälımetınşe, 21 mausym künı sotta Ǧalymjan Jusanbaevtyŋ talap-aryzy boiynşa ony jūmysqa qaita taǧaiyndau, mäjbürlı türde jūmysta bolmaǧan uaqyty üşın jalaqysyn öndıru jäne moraldyq ziiandy öteu mäselesı qarastyrylǧan.
Aita keteiık, Ǧalymjan Jusanbaev 2024 jyldyŋ 10 qaŋtarynda Atyrau mūnai öŋdeu zauytynyŋ bas direktory lauazymyna taǧaiyndalǧan edı. 16 aqpanda zauyttyŋ bas injenerı Ädılet Şoşanbasov jaŋa bas direktordy zauytta qauyrt jaǧdai jasady, balaǧat sözder aitty jäne käsıporyn basşylyǧy tarapynan yqtimal qarjylyq ūrlyq jasady dep aiyptady.
Ǧalymjan Jusanbaev būl mälımdemege pıkır bıldırıp, prezident Qasym-Jomart Toqaevqa eskı klannyŋ bilıkke kedergı keltırıp otyrǧanyn jetkızdı. Būl dau boiynşa «QazMūnaiGaz» tarapynan qūrylǧan komissiia tekseru jūmystaryn jürgızıp, 19 aqpanda Jusanbaev qyzmetınen bosatyldy.
