2024 جىلدىڭ 26 ماۋسىمىندا ساعات 10:00-دە قۋاندىق بيشىمباەۆ پەن باقىتجان بايجانوۆقا قاتىستى اپەللياتسياسى بويىنشا سوت وتىرىسى ونلاين فورماتتا، اشىق وتەدى. بۇل تۋرالى جوعارى سوت مالىمدەدى، دەپ حابارلايدى “ادىرنا” ۇلتتىق پورتالى.
«قوعامنىڭ سوت پروتسەسىنە قىزىعۋشىلىعىنىڭ ارتقانىن ەسكەرە وتىرىپ، اپەللياتسيالىق ساتىداعى سوت وتىرىستارىنىڭ ونلاين-ترانسلياتسياسىن جالعاستىرۋ تۋرالى شەشىم قابىلداندى. سوت وتىرىستارى تىكەلەي ەفيردە وتەدى. بۇل سوت پروتسەسىنىڭ بارىسى تۋرالى بارلىق اقپارات جوعارعى سوتتىڭ الەۋمەتتىك جەلىلەردەگى رەسمي اككاۋنتتارىندا جەدەل جاريالانادى»، - دەپ حابارلادى جوعارعى سوت.
2024 جىلعى 10 ماۋسىمدا قۋاندىق بيشىمباەۆ پەن باقىتجان بايجانوۆقا قاتىستى قىلمىستىق ءىس استانا قالالىق سوتىنا كەلىپ ءتۇستى. سوت وتىرىسى استانا قالالىق سوتىنىڭ عيماراتىندا استانا قالاسى، اليەۆ كوشەسى، 6, ۆ بلوگى مەكەنجايىندا وتەدى.
ەسكە سالايىق، ايەلى سالتانات نۇكەنوۆانى اياۋسىز ءولتىردى دەگەن ايىپپەن ەكس-مينيستر قۋاندىق بيشىمباەۆ 24 جىلعا، ال باقىتجان بايجانوۆ 4 جىلعا سوتتالعان بولاتىن.
