سولتۇستىكتە ءبىر وتباسىنىڭ ەكى بالاسى استان ۋلانىپ، كوز جۇمدى، دەپ حابارلايدى “ادىرنا” ۇلتتىق پورتالى.
قايعىلى جاعداي نادەجكا اۋىلىندا بولعان. 3 جانە 6 جاستاعى ەكى بالا پيتستسا، شۇجىق، گازداولعان سۋسىن ىشكەن. ودان بولەك ۇلكەندەر دە ۋلانىپ، دارىگەرلەر كومەگىنە جۇگىنگەن.
سقو دەنساۋلىق ساقتاۋ باسقارماسى باسشىسىنىڭ ورىنباسارى ناۋقاستاردىڭ جاعدايى اۋىر ەكەنىڭ ايتادى.
“2017 جىلعى قىزدىڭ جاعدايى وتە اۋىر.ەم شارالار جاسالىپ جاتىر. اۋرۋحانادا جاتقان انالارى جانساقتاۋ بولىمشەسىندە. ايەل اۋىر جاعدايدا كەلگەن، قازىر جاعدايى قالىپتى. اكەسىن دارىگەرلەر قاراپ شىقتى، ول اۋرۋحاناعا جاتۋدان باس تارتتى. بيولوگيالىق ماتەريالدار تەگىس ساراپتاماعا جىبەرىلدى”، - دەيدى رايسا قۇسايىنوۆا.
3 جاسار ۇل بالا مەن 6 جاستاعى قىز تاڭعا جۋىق قايتىس بولعان. قوس بۇلدىرشىنىنەن ايىرىلعان 28 جاستاعى انا سول كۇنى پيتستسا، شۇجىق جەپ، گازدالعان سۋسىن ىشكەنىن ايتادى. ال اكەلەرى دۇكەننەن دايىن تۇشپارا ساتىپ الىپ جەگەنىن ايتقان. بىراق ناۋقاستاردىڭ ناقتى نەدەن ۋلانعانى ازىرگە بەلگىسىز. قايعىلى وقيعاعا بايلانىستى ارنايى كوميسسيا قۇرىلىپ، تەرگەۋ باستالدى.
