قازاقستان پارلامەنتىندە قوعامدىق ورىنداردا ءدىني كيىم كيۋگە تىيىم سالۋ ماسەلەسى قارالۋى مۇمكىن. بۇل تۋرالى ءماجىلىس دەپۋتاتى ەرمۇرات باپي ايتتى، دەپ حابارلايدى “ادىرنا” ۇلتتىق پورتالى Tengrinews.kz-كە سىلتەمە جاساپ.
ماجىلىسمەننىڭ ايتۋىنشا، قوعامدا ءدىني كيىم كيۋگە تىيىم سالۋ ماسەلەسى وزەكتى بولىپ وتىر.
«ەندى ءبىز ءۇشىن ەڭ ماڭىزدى ماسەلە – ەلىمىزدىڭ ۇلتتىق مۇددەسىن، ۇلتتىق سالت-ءداستۇردى، ۇلتتىق مادەنيەتتى ساقتاۋ، ال قازىرگى جاعدايدى قاراساڭىز، بۇل جاعداي ءبىزدىڭ بولاشاعىمىزعا ۇلكەن زيانىن تيگىزەدى»، - دەدى ماجىلىسمەن.
دەپۋتاتتىڭ ايتۋىنشا، ءتيىستى زاڭ جوباسى الداعى سەسسيادا پارلامەنتكە ەنگىزىلەتىن بولادى.
«سوندىقتان ءبىز، ءبىر توپ دەپۋتاتتار، پارلامەنتتىڭ كۇزگى سەسسياسىندا وسىنداي زاڭ جوباسىن دايىندادىق، ول قابىلدانعاننان كەيىن قوعامداعى حيدجاب، نيكاب جانە باسقا دا ءدىني كيىمدەر ماسەلەسى شەشىلەدى دەپ ويلايمىن. سوندا ءبىز ءدىني كيىم ماسەلەسىن قالاي دا رەتتەيتىن شىعارمىز»، - دەپ تۇيىندەدى ول.
