الەۋمەتتىك جەلىدە شىمكەنت تۇرعىنى «ءدىلمۇرات احيگە» جانە ونىڭ ۋاعىزدارىن تىڭداپ ومىردە اداسىپ قالعان ايەلدەرگە ۇندەۋ جاريالادى، دەپ حابارلايدى “ادىرنا” ۇلتتىق پورتالى.
«ءوزىمنىڭ جانە بالالارىمنىڭ قاۋىپسىزدىگى ءۇشىن اتىمدى ايتا المايمىن. مەن شىمكەنت قالاسىنىڭ تۇرعىنىمىن. ناماز وقۋدى باستاپ، ونىڭ اقىل-كەڭەسىن تىڭداپ، دەسترۋكتيۆتى اعىمنىڭ جىگىتىنە ۇيلەندىم ء(دىلمۇرات احي – ءا.ر.). مەن ءسىزدى تىڭداپ جۇرگەن ءسالاف جىگىتكە تۇرمىسقا شىقتىم، ول ءوزىن سەنىڭ شاكىرتىڭ دەپ اتادى. كوپ ۇزاماي ول تاعى ءبىر ءسالافتى ءوزىنىڭ اعاسى ساناپ، مەنى وعان زات رەتىندە بەردى. سودان كەيىن وبەكت رەتىندە بۇل ەكىنشىسى مەنى ۇشىنشىگە، ءۇشىنشى تورتىنشىگە جالعاپ كەتە بەردى. ءار نەكەدەن بالا تۋدىم»، – دەيدى ول.
ۆيدەو اۆتورى ءدىلمۇراتتىڭ ءسوزىن تىڭداعان كوپتەگەن قىز-كەلىنشەكتەردىڭ بىرنەشە رەت تۇرمىسقا شىعۋعا ءماجبۇر بولعانىن ايتتى. سونىڭ سالدارىنان بالالار ءتىرى جەتىم، كۇيەۋسىز كوشەدە قالىپ وتىر.
«ءبىر سالافقا بارىپ، “بۇعان كىم كىنالى” دەپ سۇراق قويساڭ، “تاعدىر عوي، سابىر ساقتا” دەيسىزدەر. قايداعى تاعدىر؟ كەرىسىنشە، تاعدىر ەمەس، كەرىسىنشە بۇعان سىزدەردىڭ ىستەپ جاتقان قاتەلىكتەرىڭىز، ناداندىقتارىڭىز كىنالى.
ءسىز بىزگە يمامداردى تىڭداماڭىز دەپ وتىرسىز. يمامدار اداسىپ كەتتى دەيسىز. دەمەك، ولار ەمەس، ءسىز اداسقاندارسىز. شەت ەلگە قاشىپ جۇرگەن سەنسىڭ، ەلگە ىرىتكى سالىپ جاتقان سەنسىڭ، قازاق قىزدارىن، ايەلدەرىن تۋرا جولدان تايدىرىپ، شۇبەرەككە ءتۇيىپ، كەيىن لاقتىرىپ جاتقان سەنسىڭ. قىزدارعا ءوتىنىشىم: ءسالاف اعايىنداردىڭ الداپ-ارباۋىنا، ازعىرۋىنا كونبەڭدەر. ولارعا ۇيلەنبە. جۇماق قاقپاسى انانىڭ تابانىنىڭ استىندا. مەنىڭ كوز جاسىم مەن بالالارىمنىڭ كوز جاسى ءۇشىن و دۇنيەدە سەن جاۋاپتىسىڭ، ءدىلمۇرات. وزگە قىزداردىڭ كوز جاسىنا سەن جاۋاپتىسىڭ»، – دەيدى ايەل.
