الماتىدا ءىرى قۇرىلىس نىسانى بۇزىلعالى جاتىر، دەپ حابارلايدى “ادىرنا” ۇلتتىق پورتالى قالا اكىمدىگىنىڭ ءباسپاسوز قىزمەتىنە سىلتەپ.
«الماتى قالاسىنىڭ قۇرىلىسىن باقىلاۋ دەپارتامەنتى دوستىق داڭعىلى، 170/1 مەكەنجايىنداعى عيماراتتىڭ سۇرىلگەنى تۋرالى حابارلايدى. (...) باسشىلىق مەدەۋ اۋداندىق سوتىنا عيماراتتى بۇزۋ تۋرالى تالاپ ارىز بەرىپ، سوت شەشىمىمەن قاناعاتتاندىرىلدى. 2023 جىلدىڭ 29 تامىزىنان كەيىن الماتى قالالىق سوتى ءبىرىنشى ينستانتسيانىڭ شەشىمىن وزگەرىسسىز قالدىردى»، - دەلىنگەن سارسەنبى كۇنى تاراتقان حابارلامادا.
ۋچاسكەدەگى قۇرىلىستى يەسى 2005 جىلى باستاعان، سودان كەيىن نىسان بىرنەشە جىل بويى توقتاپ قالعان.
الدىن الا كەلىسىلگەن جوبا، قۇرىلىس-مونتاجداۋ جۇمىستارىنىڭ باستالعانى تۋرالى حابارلاما، جوبالاۋشى-تەحنيكالىق قاداعالاۋ بولماعاندىقتان، ۋچاسكە كەيىنىرەك باسقا مەنشىك يەسىنە بەرىلگەنى حابارلاندى. سونداي-اق جاڭا قوجايىننىڭ اۋماقتا زاڭسىز ساۋدا نىساندارىن تۇرعىزعانى كورسەتىلگەن.
