قازاقستاندا رەسەي ساياساتكەرىن جاقتاعان ازامات ۇستالدى، دەپ حابارلايدى "ادىرنا" ۇلتتىق پورتالى مەديازونعا سىلتەمە جاساپ.
قولعا تۇسكەن ادامنىڭ قىرعىزستان ازاماتى ەكەنى انىقتالعان. ول مارقۇم رەسەيلىك وپپوزيتسيونەردىڭ ءىسىن قاراعان سۋديا مەن پروكۋرورعا قوقان-لوققى جاسادى دەگەن كۇدىككە ءىلىندى.
29 جاستاعى الينا گورشەنينا ماسكەۋ وبلىستىق سوتىنىڭ سۋدياسى ەلەنا موروزوۆا مەن پروكۋرور ەلەنا كولوسكوۆانى قورقىتتى دەپ ايىپتالعان.
قازاقستانداعى سوت ۇستالعان ايەلدى 1 ماۋسىمدا قىرعىزستان مەن قازاقستان شەكاراسىندا ۇستاعاننان كەيىن 40 تاۋلىككە قاماۋعا العانى حابارلاندى. ول بۇعان دەيىن رەسەيدە سوت تورەلىگىن جۇزەگە اسىرۋعا بايلانىستى قاتەرلەر مەن زورلىق-زومبىلىق تۋرالى قىلمىستىق ءىس بويىنشا ىزدەۋدە بولعانى بەلگىلى بولدى. ەندى قىرعىزستاندىق ايەلدى رەسەيگە ەكستراديتسيالاۋ ماسەلەسى شەشىلىپ جاتىر.
