قاراعاندىدا بەس ادامنىڭ ءومىرىن جالماعان جانتۇرشىگەرلىك جول اپاتى بولدى

جول اپاتىنا قاتىستى دەرەكتەر Patriot Telegram-ارناسىندا حابارلاندى. قايعىلى وقيعا اباي قالاسى مەن دۋبوۆكا اۋىلى اراسىنداعى تاسجولدا بولعان. ساعات 22:23-تە قىزىلوردا – پاۆلودار تاسجولىنىڭ 931-شاقىرىمىندا Audi, Chevrolet Cobalt, Toyota Previa ماركالى ءۇش كولىك سوقتىعىسقان.

وقيعا ورنىندا بەس ادام، Cobalt اۆتوكولىگىنىڭ ءتورت جولاۋشىسى مەن 22 جاستاعى جۇرگىزۋشىسى كوز جۇمدى.

ودان بولەك، ەكى ادام جول اپاتىنان كەيىن اۋرۋحاناعا جاتقىزىلدى. وبلىستىق دەنساۋلىق ساقتاۋ باسقارماسىنىڭ مالىمەتىنشە، ولاردىڭ جاعدايى اۋىر.