قر باس پروكۋراتۋراسى ەلىمىزدە ينتەرنەت-الاياقتىقتىڭ جاڭا ءتۇرى پايدا بولعانىن، ۋاقىت وتكەن سايىن الدانىپ قالعان ادامداردىڭ سانى ارتىپ كەلە جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
«الاياقتار جابىرلەنۋشىلەرگە قۇقىق قورعاۋ ورگاندارىنىڭ قىزمەتكەرى رەتىندە بەينە-قوڭىراۋ ارقىلى حابارلاسىپ، بەلگىسىز تۇلعالار جابىرلەنۋشىنىڭ اتىنان نەسيە الۋعا ارەكەتتەنىپ جاتقانى تۋرالى جالعان اقپارات بەرەدى. وسى „نەسيەنى“ جويۋ ءۇشىن دەرەۋ جاڭا نەسيە الۋعا بانك بولىمشەسىنە بارۋدى ۇسىنادى. بانكتەن العان نەسيە اقشاسىن جاڭا „قاۋىپسىز“ شوتقا اۋدارۋدى وتىنەدى. بۇل — الاياقتاردىڭ شوتى»، — دەيدى باس پروكۋراتۋرا تاراتقان رەسمي حابارلامادا.
باس پروكۋراتۋرا قۇقىق قورعاۋ ورگاندارى قىزمەتكەرلەرى ۆيدەو-قوڭىراۋمەن ەشقاشان حابارلاسپايتىنىن، مۇنداي فورماتتا جۇمىس ىستەمەيتىنىن ەسكەرتەدى.
بوتەن ادامعا، ءتىپتى قۇقىق قورعاۋ ورگاندارىنىڭ قىزمەتكەرلەرىنە دە بانك مالىمەتتەرىن بەرمەۋ كەرەك ەكەنىن، كۇماندى جاعدايلار تۋىنداعاندا 115 نومىرىنە قوڭىراۋ شالۋ كەرەگىن قوسا ايتتى.
