الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا القابيلەر «قازاقسەلقورعاۋ» مەملەكەتتىك مەكەمەسىنىڭ بۇرىنعى باسشىسى كارىم كوكىرەكباەۆقا قاتىستى قىلمىستىق ءىستى قارادى، دەپ حابارلايدى “ادىرنا” ۇلتتىق پورتالى.
ايىپتالۋشىلار قاتارىندا «قازاقسەلقورعاۋ» مەكەمەسىنىڭ بۇرىنعى باسشىسىنان باسقا پارا الدى دەپ كىنا تاعىلعان ونىڭ ورىنباسارى ا.، دا بار.
سوتتا انىقتالعانداي، 2022 جىلعى 22 جەلتوقساندا «قازاقسەلقورعاۋ» مەكەمەسى باسشىسىنىڭ ورىنباسارى ا. اياقتالعان جۇمىس جانە جالپى قامقورلىق تۋرالى سەرتيفيكاتتارعا كەدەرگىسىز قول قويۋ ءۇشىن پارا بەرۋشى ج.-عا 397 621 اقش دوللارى كولەمىندە قاراجات بەردى.
ال جاۋاپكەر پ.، جشس ديرەكتورى بولا تۇرا، اتقارىلعان جۇمىس اكتىلەرىنە كەدەرگىسىز قول قويۋ جانە جالپى قامقورلىق ءۇشىن مەملەكەتتىك اكىمشىلىك باسشىسىنىڭ ورىنباسارىنا 397 621 اقش دوللارى كولەمىندە پارا بەرگەن.
قازىلار القاسىنىڭ قورىتىندىسى بويىنشا:
- كارىم كوكىرەكباەۆ وزىنە تاعىلعان ايىپتار بويىنشا اقتالدى.
- قىلمىستىق كودەكستىڭ 366-بابىنىڭ 4-بولىگىمەن كىنالى دەپ تانىلعان «قازاقسەلقورعاۋ» باسشىسىنىڭ ورىنباسارى ا. ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرۋمەن 11 جىلعا باس بوستاندىعىنان ايىرىلدى.
- قىلمىستىق كودەكستىڭ 367-بابىنىڭ 4-بولىگىمەن كىنالى دەپ تانىلعان جشس ديرەكتورى پ. ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرۋمەن 11 جىلعا باس بوستاندىعىنان ايىرىلدى.
- ۇكىم زاڭدى كۇشىنە ەنگەن جوق جانە وعان شاعىم جاساۋعا جانە نارازىلىق كەلتىرۋگە بولادى، دەپ اتاپ ءوتتى سوت.
كارىم كوكىرەكباەۆ 2013-2018 جىلدار ارالىعىندا جامبىل وبلىسىنىڭ اكىمى قىزمەتىن اتقارعان. 2019 جىلى «قازاقسەلقورعاۋ» مەملەكەتتىك مەكەمەسىن باسقاردى.
