جەتىسۋ وبلىسى ەسكەلدى اۋدانىنىڭ اكىمى جەر زاڭناماسىن بۇزعانى ءۇشىن اكىمشىلىك جاۋاپكەرشىلىككە تارتىلدى. بۇل تۋرالى 6 ماۋسىمدا وبلىستىق پروكۋراتۋرانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پروكۋرورلار 120 گەكتار جەردىڭ جەكەلەگەن شارۋا قوجالىقتارىنا كونكۋرسسىز بەرىلگەنىن انىقتادى.
«قاداعالاۋ اكتىسى بويىنشا بۇل جەرلەر مەملەكەتكە قايتارىلدى. جالپى، جىل باسىنان بەرى جەتىسۋ پروكۋرورلارى جالپى كاداسترلىق قۇنى جارتى ميلليارد تەڭگەدەن اساتىن 103 مىڭ گەكتاردان استام اۋىل شارۋاشىلىعى جەرلەرىن قايتاردى. بۇل جەرلەر ۇزاق ۋاقىت بويى يگەرىلمەي، ماقساتى بويىنشا پايدالانىلماي، سونداي-اق جەر زاڭناماسىن بۇزا وتىرىپ بەرىلگەن»، - دەلىنگەن حابارلامادا.
